|
|
|
geschrieben am: 14.03.2002 um 13:13 Uhr
|
|
[i][schwarz]achso i komm aus filderstädtle  des isch bei stuttgard 
eigendlich bin i gar ned so au richtger schwob abr i bin hir gebora un schwätz au a bissle schwäbisch
joah madde isch a obach fach  solld mr verbieda
i hab so schiss vor morga  
Dr Erschde Helfer ischd a Mann,
der andre Menscha helfa kann
Ganz ruhig, bloß net auf dŽSchnelle
erscheint er an dŽr Unfallstelle.
Er grüaßt, er stellt sich vor ond frogt:
Wia ischs bassiert? Tuats weh? Obs hokt.
Dann ondersucht er da Patienda,
von onda, oba, vorna, henda.
Jetzt wird a Lagrungsart gewählt
je nachdem, wos halt grad fehlt.
Wenn oim s Bewußtsei kommt abhanda,
no kann derselbe nemme standa.
Er liegt am Boda, uffm Rücka,
dr Erschde Helfer muaß sich bücka
ond dann dreht er ihn ohne Frage
in die stabile Seitenlage.
Des uffm Hals, mr hoißts au Birn
des isch der Schädel mitm Hirn.
Wenn dia verletzt send, no Gut Nacht.
Was do dr Erschde Helfer macht?
Der legt n mit am Kopf noch oba,
dui Lagerung, dui muaß mr loba.
Weil, wenn der Kopf nach oba zeigt,
dr Druck em Hirn au nemme steigt.
Dr Erschde Helfer hot koi Ruah,
denn oft kommt no a Schock drzua.
Was macht er jetzt, do isch ma gschbannt,
ganz recht, er hot den Fall erkannt,
er legt n flach, des muaß mr loba,
jetzt zeigt bloß no d Nos nach oba.
Ond bei dem ganza Gschäft isch wichtig
dui Lagerung isch dann erschd richtig
wenn d'Wirbelsäul, wia auf ma Disch
em Ganza bolzgrad grichtet isch.
Wenn om an Schockzustand befällt,
warum, des sei dahingestellt,
do gots dem arma Menscha schlecht,
no isch em jede Hilfe recht.
Ond mit ra guada Lagerung,
da kommt dr Kreislauf glei en Schwung.
DŽFüaß noch oba, des isch wichtig,
dr Erschde Helfer macht des richtig.
Dui Lagerung jedoch isch Mischt,
wenns Herz vom Schock die Ursach ischt.
In dem Fall hot mr Lascht beim Schnaufa
ond dät am oigna Bluad versaufa.
Beim Kardiogena Schock, gib Acht,
was do dr Erschde Helfer macht.
Dr Oberkörper wird erhöht,
so wie es au em Lehrbuch steht.
A Donnerschlag grad uff da Ranza
beim Autofahra, Klettra, Danza
verschüttelt Leber, Niera, Milz.
Dr Erschde Helfer woiß "letzt gilts".
Do muaß mr d'Bauchdecke entspanna
om dergestalt da Schmerz zu banna.
Er schiabt a Rolle mit viel Gfuih
dem arma Schlucker onder d'Knui.
Trifft om dr Donderschlag an dŽBruscht
goht des einher mit Luftverluscht.
Ond net bloß des, nir hot au Schmerza,
em ganza Thorax ond am Herza.
Jetzt muaß dr Oberkörper nauf,
so an Verletzta setzt mr auf.
Ischd Lagerung korrekt ond guat,
was jetzt dr Erschde Helfer duat?
Er setzt informativ doch knapp
mit dene WŽs an Notruf ab.
Aus: Dr.med. Falk Henkel, "Erschde Hilfe in Schwäbisch",
Knödler Verlag Reutlingen
 |
|
|
|
|
huhuhu winke winke 
- be 
< aber keine badenzer
